കുഴിത്തുറ ശ്രീകൃഷ്ണ സ്വാമി ക്ഷേത്രത്തിൽ ഷഡാധാര പ്രതിഷ്ഠ നടത്തി

കുഴിത്തുറ ശ്രീകൃഷ്ണ ക്ഷേത്രത്തിൽ ഷഡാധാര പ്രതിഷ്ഠ നടന്നു. കുഴിത്തുറ ശ്രീകൃഷ്ണ ക്ഷേത്രത്തിന്റെ പുനരുദ്ധാരണത്തിന്റെ ഭാഗമായുള്ള ഷഡാധാര പ്രതിഷ്ഠ ഇന്നു രാവിലെ 8.20 നും 8.45 നുമിടയിൽ മേൽശാന്തി സുനിൽ മക്കാടത്തിന്റെ സാന്നിധ്യത്തിൽ തന്ത്രി തോട്ടത്തിൽ മഠം അരുൺകുമാർ നമ്പൂതിരിപ്പാട് നിർവഹിച്ചു.

ഇന്നലെ വൈകിട്ട് അമൃതപുരി
ആശ്രമത്തിൽ നിന്നും മാതാ അമൃതാനന്ദമയി പൂജിച്ച് നൽകിയ ഷഡാധാര ശില്പങ്ങൾ താലപ്പൊലിയുടെയും താളമേളങ്ങളുടെയും അകമ്പടിയോടെ ഘോഷ യാത്രയോടെയാണ് കുഴിത്തുറ ശ്രീകൃഷ്ണ ക്ഷേത്രത്തിൽ എത്തിച്ചത്.

ഘോഷയാത്രയ്ക്ക് വിവിധ സ്ഥലങ്ങളിൽ സ്വീകരണം നൽകി.