പൂർണ്ണമായും കൃഷ്ണശിലയിൽ കേരളത്തനിമയും തമിഴ്നാട് ശൈലിയും ഒത്തുചേർത്താണ് ക്ഷേത്രം നിർമ്മാണം പൂർത്തീകരിച്ചിരിക്കുന്നത്. സ്വർണ്ണ കൊടിമരത്തോടുകൂടിയാണ് ക്ഷേത്ര നിർമ്മാണം പൂർത്തിയാക്കിയിരിക്കുന്നത്.
ഫെബ്രുവരി 18ന് പ്രതിഷ്ഠാ കർമ്മ നടക്കും. സ്വർണ്ണ കൊടിമരത്തിന്റെ സമർപ്പണം ഫെബ്രുവരി 21ന് നടക്കും. 28ന് ശിവരാത്രി മഹോത്സവത്തിന് തുടക്കമാകും. ഇത്തവണ വിവിധ കലാപരിപാടികളും പ്രഭാഷണങ്ങളും സമ്മേളനങ്ങളും കൂടാതെ ആദരിക്കൽ ചടങ്ങുകളും സംഘടിപ്പിച്ചിട്ടുണ്ട്.
ക്ഷേത്ര പ്രതിഷ്ഠയും അനുബന്ധ ഉത്സവ പരിപാടികളും വിജയിപ്പിക്കുന്നതിന് വിവിധ കമ്മിറ്റികൾ രൂപീകരിച്ച് പ്രവർത്തനം ആരംഭിച്ചതായും ഭാരവാഹികൾ അറിയിച്ചു.
ക്ഷേത്ര നിർമ്മാണവും കൊടിമര സമർപ്പണവും ഉൾപ്പെടെ 20 കോടിയോളം രൂപയുടെ ചെലവാണ് ഉണ്ടാവുക. സ്വർണ്ണക്കൊടിമരം നേർച്ചയായി സമർപ്പിക്കുന്നത് ഇൻബോർഡ് വള്ളങ്ങളുടെ നേതൃത്വത്തിൽ രൂപീകരിച്ച് പ്രവർത്തിച്ചുവരുന്ന ശങ്കരനാരായണ ട്രസ്റ്റ് ആണ്.
വാർത്താസമ്മേളനത്തിൽ സുരേഷ് ഇളയശ്ശേരിൽ, ശശാങ്കൻ പുതുമണ്ണേൽ, ബാഹുലേയൻ, സുനിൽദത്ത് എന്നിവർ പങ്കെടുത്തു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ