11.8.76 ബുധനാഴ്ച മുതൽ ചെറിയഴീക്കൽ ദേവിയിൽ, പ്രേംനസീർ മധു, വിജയശ്രീ, ജയഭാരതി, ഭാസി, ബഹദൂർ, ഉമ്മർ, വിൻസെന്റ, ജോസ് പ്രകാശ്, ശങ്കരാടി, തിക്കുറിശ്ശി, മുത്തയ്യ, സാധന, ശ്രീലത, മീന, കവിയൂർ പൊന്നമ്മ തുടങ്ങിയ ചലച്ചിത്ര സാമ്രാജ്യത്തിലെ 26ൽ പരം താരങ്ങളെ അണിനിരത്തി ശശികുമാർ സംവിധാനം ചെയ്ത ഒരുജ്വല മലയാള ചിത്രം "തിരുവാഭരണം". (അന്തരിച്ചു പോയ വിജയശ്രീയെ വീണ്ടും കാണാൻ ഒരു സുവർണ്ണ അവസരം) ശനി ഞായർ മാറ്റിനി മൂന്ന് മണിക്ക്.
മേൽപ്പറഞ്ഞത് കരുനാഗപ്പള്ളി താലൂക്കിലെ ആലപ്പാട് പഞ്ചായത്തിലെ ചെറിയഴീക്കൽ എന്ന സ്ഥലത്ത് ഉണ്ടായിരുന്ന ദേവി എന്ന തിയേറ്ററിലെ 47 വർഷം മുൻപ് നടന്ന സിനിമ പ്രദർശനത്തോടനുബന്ധിച്ചുള്ള പോസ്റ്ററിലെ വാചകങ്ങളാണ്.
പുതിയ തലമുറയ്ക്ക് അങ്ങനെ ഒരു തീയറ്റർ ഉണ്ടായിരുന്നന്നോ അല്ലെങ്കിൽ അത് എവിടെയായിരുന്നു എന്നൊന്നും ഒരു അറിവും ഉണ്ടായിരിക്കില്ല. ബിജു സുബ്രഹ്മണ്യൻ എന്ന വ്യക്തിയുടെ ടാഗോട് കൂടിയാണ് അന്നത്തെ സിനിമ പോസ്റ്റർ ഇപ്പോൾ ലഭ്യമായിരിക്കുന്നത്. ഇത് കൂടാതെ നാടിൻറെ വളരെ പഴയ ചിത്രങ്ങളും ക്ഷേത്രങ്ങളുടെ ചിത്രങ്ങളും ഇദ്ദേഹത്തിൻറെ പക്കൽ ഉണ്ട്.
ഈ സിനിമ പോസ്റ്ററിന്റെ മറപുറത്ത് സിനിമയുടെ കഥയുടെ സാരാംശവും അതുപോലെ തന്നെ സെക്കൻഡ് ഷോ കഴിഞ്ഞ ശേഷം സെൻട്രൽ ജെട്ടിയിൽ നിന്നും കടത്ത് വള്ളം ഉണ്ടായിരിക്കുന്നതാണെന്നുമുള്ള അറിയിപ്പും കൊടുത്തിട്ടുണ്ട്.
ആ കാലത്തെക്കുറിച്ച് അറിയാവുന്നവർ അവരുടെ ഓർമ്മകൾ കമന്റ് ബോക്സിൽ രേഖപ്പെടുത്താവുന്നതാണ്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ